Davlat ijtimoiy buyurtmasiga oid maʼlumotlar majburiy tartibda eʼlon qilib boriladi

Saqlash
23:04 / 23.04.2022 739 0

“Ijtimoiy sheriklik hamda jamoatchilik nazoratini amalga oshirish mexanizmlarini yanada takomillashtirish chora-tadbirlari toʻgʻrisida”gi Hukumat qarori qabul qilindi.


Qarorga koʻra, 2022-yil 1-dekabrgacha e-ngo.uz elektron portalida ijtimoiy sheriklik va jamoatchilik nazoratini amalga oshirishning quyidagi mexanizmlari joriy etiladi:


NNTlar tomonidan dasturlar ishlab chiqishda qatnashish, ularning ijrosini monitoring qilish, monitoring natijasi boʻyicha koʻrib chiqilishi majburiy boʻlgan hujjatni, qonunchilik hujjatlari loyihalariga oid takliflarni masʼul davlat organlariga kiritish;
 

NNTlarning dasturlar yuzasidan bergan takliflarini koʻrib chiqish natijalarini elektron portalga joylashtirish;
 

NNTlarning jamoatchilik nazorati yakunlari boʻyicha tayyorlagan hujjatlarini davlat organlariga yuborish va ularni koʻrib chiqish natijalarini eʼlon qilish.
 

2023-yil 1-yanvardan quyidagilar davlat organlari va tashkilotlari tomonidan elektron portalga majburiy joylashtiriladi:


ijtimoiy va iqtisodiy dasturlarning loyihalari;
 

loyihalarni amalga oshirish uchun NNTlarga davlat ijtimoiy buyurtmasini berishga oid eʼlonlar;
 

kelgusi yil uchun jamoat fondlariga yuboriladigan buyurtmanomalar;
 

davlat ijtimoiy buyurtmasi natijalari, mablagʻlarning sarflanish holati.
 

Maʼlumot uchun: Mazkur elektron portal Adliya vazirligi tomonidan nodavlat notijorat tashkilotlariga onlayn xizmat koʻrsatish maqsadida ishlab chiqilgan.

Izoh yo‘q

Izoh qoldirish

//