Ma’lumki, 20 aprel kuni Samarqand va Jizzax viloyatlarida kuchli yomg‘ir yog‘ib ko‘plab ko‘chalarni, qishloqlarni sel bosdi. Avvalroq, qutqaruvchilar tomonidan 6 nafar fuqaro sel oqimlari ichidan qutqarilib, Forish tumani tibbiyot birlashmasiga yotqizilgani hamda 1 kishi bedarak yo‘qolib 4 kishi selda oqib halok bo‘lgani haqida xabar bergan edik.

Jizzax viloyati prokuraturasi bergan so‘ngi ma’lumotlarga ko‘ra, hozirda bedarak yo‘qolgan shaxsning jasadi topilgan.

Ma’lumot uchun, avvalroq ijtimoiy tarmoqlarda Jizzax viloyati Gʻallaorol tumanidagi kanaldan 3-sinf maktab o‘quvchisi mahalliy aholi tomonidan qutqarib olingani aks etgan videolar tarqaldi.