Shavkat Mirziyoyev Qashqadaryo viloyatiga tashrifini yangi tashkil etilgan Ko‘kdala tumanidan boshladi. Bu yerda to‘qimachilik klasterida yangi tuman faollari bilan uchrashuv bo‘lib o‘tmoqda.

Uchrashuvda davlat rahbari Qashqadaryoga katta rejalar bilan kelganini ta’kidlagan.

«Zamonamiz shiddat bilan o‘tyapti. Tahlikali davrda yashayapmiz. Albatta, Qashqadaryoning zabardast, tanti, mard xalqi bor. Lekin yashash sharoiti bo‘yicha afsuski bu viloyat orqada.

Shunday buyuk sarkardalari, yer osti boyligi bor viloyatda aholi bunday sharoitda yashashi noto‘g‘riku.

Xalqimizni rozi qilish uchun ko‘p ter to‘kishimiz kerak. Bu og‘ir va mashaqqatli ish. Viloyatga katta pul bilan keldim, pul topish oson emas. Ammo bu pulni samarali, xalq uchun foydali bo‘lishi uchun metin intizom va aql bilan ish yuritishimiz kerak», - dedi Shavkat Mirziyoyev.