O‘zbekistonda Finlyandiya oliy o‘quv yurtlarining filiallari ochiladi, «ikki tomonlama diplom» berish dasturlari joriy etiladi. Bu haqida kecha 19 - aprel kuni O‘zbekiston tashqi ishlar vaziri o‘rinbosari Gʻayrat Fozilov Finlyandiya elchisi etib tayinlangan Ilkka Ryaysyanen bilan gaplashib olgan.

O‘z o‘rnida O‘zbekiston TIV rahbari o‘rinbosari ishonch yorliqlarini qabul qilib, elchini yuqori va mas’uliyatli lavozimga tayinlangani bilan tabriklagan. Suhbat chog‘ida ikki tomonlama munosabatlarning bugungi holati va ularni rivojlantirish istiqbollari ham muhokama qilingan.

O‘zbekiston va Finlyandiya o‘rtasida iqtisodiy diplomatiyani faollashtirish, jumladan, o‘zaro savdo missiyalarini tashkil etish, qo‘shma investisiya loyihalarni amalga oshirish, ikki davlat ishbilarmon doiralari o‘rtasida to‘g‘ridan-to‘g‘ri aloqalarni yo‘lga qo‘yish kerakligi aytilgan.