Oʻzbekiston Milliy gvardiyasiga qonunchilik asosida bir qator vakolatlar berilmoqda. Bu haqda deputat Rasul Kusherbayev Telegram kanalida eʼlon qildi.

Qayd etilishicha, Milliy gvardiya organlari Maʼmuriy javobgarlik toʻgʻrisidagi kodeksning quyidagi moddalari boʻyicha huquqbuzarliklar toʻgʻrisidagi ishlarni koʻrib chiqishga va jarima tariqasidagi maʼmuriy jazo choralarini qoʻllashga haqli ekanligi belgilanmoqda:

• 187-moddasining birinchi qismi (Jamoat joylarida alkogol mahsulotini isteʼmol qilish);
• 188-modda (Voyaga yetmagan shaxsni gʻayriijtimoiy xatti-harakatlarga jalb qilish);
• 188-2-modda (Voyaga yetmagan shaxsning koʻngil ochish (dam olish) joylarida tungi vaqtda boʻlishiga yoʻl qoʻyish);
• 192-modda (Maishiy shovqinga qarshi kurash talablarini buzish) boʻyicha.

Shuningdek, Milliy gvardiya organlarining mansabdor shaxslari kodeksning 61, 183, 184-2, 184-3, 185, 185-1 (Bojxona toʻgʻrisidagi qonunchilikni buzish bilan bogʻliq huquqbuzarliklardan tashqari) 185-2, 185-3, 186-moddalarida, 187-moddaning ikkinchi qismida, 188-1, 188-3, 189, 189-1, 190, 191, 194-1, 195-1, 196 (Milliy gvardiyaga tegishli qismi boʻyicha) va 210-1- moddalarida nazarda tutilgan maʼmuriy huquqbuzarliklarni aniqlagan taqdirda, maʼmuriy huquqbuzarlik toʻgʻrisida bayonnoma tuzadi va belgilangan tartibda sudga koʻrib chiqish uchun yuborishi belgilanmoqda. Loyiha deputatlar tomonidan birinchi oʻqishda qabul qilindi.