Respublika Transport vazirligi axborot xizmatining xabariga ko‘ra, "Toshshahartransxizmat" AJ harakat tarkibini yangilash jarayonlari boshlandi.

2022 - yil 2 - fevraldagi "Toshkent shahar jamoat transporti tizimini yanada rivojlantirishga doir qo‘shimcha chora-tadbirlar to‘g‘risida"gi PQ–111-son qarorga asosan, joriy yil yakuniga qadar "Toshshahartransxizmat" AJ harakat tarkibini 390 ta yangi avtobuslar bilan yangilash belgilangan.

Joriy yilning 15 - aprel kuni, "Samarqand avtomobil zavodi" MCHJda ishlab chiqarilgan "SAZ LE-60" rusumli avtobuslarning 10 donasi "Toshshahartransxizmat" AJga tantanali topshirildi.

Keltirilayotgan avtobuslar yo‘lovchi oqimi, shuningdek, aholi talabidan kelib chiqib yo‘nalishlarga biriktiriladi. Shu tariqa harakat tarkibi yangilanib boradi.