Yangi Yo‘l harakati qoidalariga ko‘ra, haydovchi va mashinaning old o‘rindig‘ida o‘tirgan yo‘lovchiga xavfsizlik kamarini taqish shart qilib belgilanmoqda.

Bunda kasalligi bo‘lgan ayrim fuqarolarga kamarni taqmaslikka ruxsat berilgan.

Ma’lum qilinishicha, 8 turdagi kasallik holati uchun tibbiy ma’lumot talab etmasdan xavfsizlik kamarini taqmaslikka ruxsat beriladi.  

Jumladan,

– umrov va to‘sh suyaklarining sinishlari;

– yelka kamari sinishi;

– o‘pkaning surunkali obstruktiv kasalliklari (IV bosqich);

– bronxial astma (IV bosqich);
– o‘pkaning interstisial zararlanishi, o‘pkaning bir qismi yoki butun qismini (chap yoki o‘ng) olib tashlangan;
– surunkali yurak yetishmovchiligining III bosqichi va dekompensasiya bosqichi hamda homilador ayollar shular jumlasidandir.

Ma’lumot o‘rnida ta’kidlash lozimki, yangi tahrirdagi Yo‘l harakati qoidalari 2022 - yil 1 - maydan amalga kiritiladi.