Xabaringiz bor, Oʻzbekiston Respublikasining “Oʻzbekiston Respublikasi madaniyat va sanʼat xodimlari kunini belgilash toʻgʻrisida” Qonuni bilan 15-aprel Oʻzbekiston Respublikasi madaniyat va sanʼat xodimlari kuni etib belgilangan edi.

Mazkur sana munosabat bilan Madaniyat vazirligi tomonidan jonkuyar soha xodimlarini ragʻbatlantirish uchun “Madaniyat va sanʼat fidokori” koʻkrak nishoni taʼsis etildi.

Kuni kecha, Respublika miqyosida ushbu koʻkrak nishon bilan 250 ga yaqin soha fidokorlari taqdirlandi. Shu bilan birga 200 taga yaqin faxriy yorliq, 130 ta diplom, 130 ta tashakkurnomalar ham oʻz egalariga topshirildi.

Tadbirlar kun davomida boʻlib oʻtadi.