“Vaqf” xayriya jamoat fondi Ramazon oyining ikkinchi haftasida 1 mlrd. soʻmdan ortiq mablagʻni xayriya ishlariga sarfladi. Bu haqida AOKAda oʻtkazilgan brifingda “Vaqf” xayriya jamoat fondi axborot xizmati rahbari Saidabror Umarov maʼlum qildi.

Fond tomonidan “Ramazon tuhfasi” loyihasi doirasida:

respublikamiz boʻylab toʻrt mingga yaqin xonadonlarga 707 890 000 soʻmlik oziq-ovqat mahsulotlari;

moddiy koʻmakka muhtoj 295 nafar shaxslarga 293 650 000 soʻmlik pul mablagʻlari;

Fargʻona viloyatida qurilish taʼmirlash ishlari olib borilayotgan 2 ta masjid uchun 20 000 000 soʻm;

jami — 1 021 540 000 soʻm miqdoridagi xayriyalar amalga oshirildi.