Surxondaryo hokimining sobiq oʻrinbosari Mavluda Qobulova 2022-yilning 14-aprel kuni vafot etdi.

Maʼlum qilinishicha, marhuma 2005-yildan 2020-yilga qadar viloyat hokimi oʻrinbosari – viloyat xotin-qizlar qoʻmitasi raisi lavozimida ishlagan.

Mavluda Qobulova 1959-yilda Denov tumanida tugʻilgan boʻlib, mutaxassisligi boʻyicha shifokor boʻlgan.

U mehnat faoliyati davomida Mahalla va oilani qoʻllab-quvvatlash boshqarmasi boshligʻining birinchi oʻrinbosari, “Yuksalish” umummilliy harakati viloyat boʻlinmasi rahbari lavozimlarida ishlagan. Vafotiga qadar Xalq deputatlari Surxondaryo viloyati kengashi deputati boʻlgan.