Shavkat Mirziyoev 14-  aprel kuni Vengriya bosh vaziri Viktor Orban bilan telefon orqali muloqot qildi. Bu haqda Prezident matbuot xizmati xabar berdi.

Ta'kidlanishicha, suhbat avvalida O‘zbekiston etakchisi Vengriya hukumati rahbarini FIDES — xristian-demokratik xalq partiyasi koalitsiyasi ushbu mamlakat parlamentiga saylovda g‘alaba qozongani bilan tabriklagan.

Shuningdek, tomonlar ikki mamlakat o‘rtasida diplomatik munosabatlar o‘rnatilganining 30 yilligi bilan bir-birini qutlagan. Strategik shyeriklik munosabatlarini yanada mustahkamlash masalalari, Vengriya bosh vazirining 2021 yil mart oyidagi O‘zbekistonga tashrifi yakunida erishilgan kelishuvlar ijrosining borishi batafsil muhokama qilingan.

Farmatsevtika, qishloq xo‘jaligi, chorvachilik, oziq-ovqat sanoati, qurilish matyeriallari ishlab chiqarish tarmoqlarida koopyeratsiya loyihalarini amalga oshirish, bank-moliya sohasidagi o‘zaro manfaatli hamkorlikni kengaytirish masalalariga alohida e'tibor qaratilgan.

Xalqaro va mintaqaviy ahamiyatga molik dolzarb masalalar yuzasidan fikr almashilgan. Bo‘lajak oliy darajadagi tadbirlar rejasi ko‘rib chiqilgan.