Sirdaryo viloyati Sirdaryo tumani tibbiyot birlashmasi akusherlik kompleksida yetti kilolik chaqaloq tugʻildi. Bu haqida viloyat Sogʻliqni saqlash boshqarmasi xabar qildi.

Qayd etilishicha, ona va chaqaloqning sogʻligʻi yaxshi. Ularga shifokor va hamshiralar belgilangan tartibda yordam koʻrsatmoqda. Chaqaloq kesarcha kesish amaliyoti orqali dunyoga keltirilgan.

“Bu kabi chaqaloqlar Sirdaryo viloyat tarixida birinchi bor tugʻilishi. Uni dunyoga keltirgan ona asli Sirdaryo tumanidan boʻlib, 1998-yilda tugʻilgan. Gigant qizaloq esa uning birinchi farzandi hisoblanadi”, deyiladi xabarda.