“Yosh kitobxon”  tanlovining 20-30 yosh toifasi bo‘yicha Respublika bosqichida Alisher Navoiy nomidagi Toshkent davlat o‘zbek tili va adabiyoti universiteti O‘zbek filologiyasi fakulteti talabasi Sevinchxon Avazova g‘olib bo‘lgan edi.  

O‘zbek filologiyasi fakulteti  4-kurs talabasi  Sevinch Avazovaga eng oliy mukofot – Prezident sovg‘asi “Spark” avtomobili,  Mohichehra Suyunboyeva esa 10 mln so‘m pul mukofoti topshirildi.

Bugun, 13-aprel kuni universitetda ushbu talabalarni tantanali taqdirlash marosimi bo‘lib o‘tdi. Tadbirda O‘zbek filologiyasi fakulteti dekani B.Abdushukurov, professorlar Bahodir Karimov, Nurboy Jabborov, Uzoq Jo‘raqulov so‘zga chiqib, kitob o‘qishning naqadar muhimligini ta’kidladilar va ushbu yutuq nafaqat Sevinchning, balki butun universitetning muvaffaqiyati ekanini aytib o‘tdilar.