Hukumat qarori bilan yo‘l harakati qoidalari tasdiqlangani xabar qilingandi. Qayd etilishicha, 1 - maydan kuchga kirishi rejalashtirilgan yo‘l harakati qoidalarida old o‘rindiqdagi yo‘lovchilar xavfsizlik kamarini taqishlari shart bo‘ladi. Qo‘shimcha qilinishicha, hujjatning 9-bandida konstruksiyasida xavfsizlik kamarlari nazarda tutilgan transport vositasini boshqarayotgan haydovchi va uning old o‘rindig‘idagi yo‘lovchilar harakatni boshlashdan oldin xavfsizlik kamarlarini taqishi kerak.

Shu bilan birga, Ichki ishlar vazirligiga 7 yoshgacha bo‘lgan bolalarni maxsus bolalar o‘rindig‘ida, 7 yoshdan 12 yoshgacha bo‘lganlarni maxsus ushlab turuvchi moslamali xavfsizlik kamarini taqqan holdan tashish bo‘yicha chora-tadbirlarni amalga oshirish topshirilgan.

Avvalroq hukumat qarori bilan Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanish tartibi to‘g‘risidagi nizomga o‘zgartirish va qo‘shimchalar kiritilgani haqida xabar berilgandi.