Joriy yilning aprel, may, iyun oylarida “Yoshlar ovozi”, “Yosh kitobxon oila”, “Mushoira”, “Zukko kitobxon”, “Quvnoqlar va zukkolar” respublika tanlovlari; yoshlar orasida sogʻlom turmush tarzi va sportni ommalashtirishga qaratilgan mini-futbol, futbol, voleybol, yengil atletika, “streetball”, shaxmat, shashka, stol tennisi va “street workout” boʻyicha respublika sport musobaqalari; kibersport musobaqasi hamda “Zakovat” intellektual oʻyinlari mahalla yoshlari oʻrtasida ilk marotaba “Besh tashabbus” olimpiadasi doirasida oʻtkazishi belgilangan. 

Shu maqsadda tuman markazida qad roslagan Amfiteatrda olimpiadaga start berildi. Tadbirda tuman hokimi, tumandagi sektor rahbarlari, 5 muhim tashabbus yoʻnalishlariga masʼul boʻlgan tashkilot, muassasalar rahbarlari, keng jamoatchilik vakillari va yoshlar ishtirok etishdi.

Gʻoliblar 30-iyun — Yoshlar kuni arafasida munosib taqdirlanadi.