Oʻquvchi-yoshlar va talabalar uchun “Zakovat stipendiyasi”ni berish tartibi tasdiqlandi. Bu haqida Yoshlar ishlari agentligi direktori Alisher Saʼdullayev oʻzining telegram rasmiy sahifasida ma'lum qildi.

Taʼkidlanishicha, 2022-2023-oʻquv yilidan boshlab “Zakovat” intellektual oʻyini va boshqa intellektual oʻyinlarning respublika bosqichida gʻolib va sovrindor boʻlgan jamoa aʼzolari uchun yil davomida har oy “Zakovat stipendiyasi” beriladi.

Stipendiyalar qiymati quyidagicha:

“Zakovat stipendiyasi” intellektual oʻyinlarning respublika bosqichida:

1-oʻrinni olgan oʻquvchi-yoshlar va talabalarga BHMning 5 baravari miqdorida (hozirda 1 350 000 soʻm);

2-oʻrinni olgan oʻquvchi-yoshlar va talabalarga BHMning 4 baravari miqdorida (hozirda 1 080 000 soʻm);

3-oʻrinni olgan oʻquvchi-yoshlar va talabalarga BHMning 3 baravari miqdorida (hozirda 810 000 soʻm) belgilanadi va yil davomida har oy toʻlab beriladi.