18-22-aprel kunlari Tashkent Animation Forumi boʻlib oʻtadi. Unda Oʻzbekiston, Qozogʻiston, Qirgʻiziston va Tojikistondan animatorlar ishtirok etadi. “Ishtirokchilarning barchasi xalqaro multfilm festivallari gʻoliblari”, deyiladi Газета.uz xabarda.

Lolisanam Ulugʻovaning “Huvaydo” multfilmidan kadr (Tojikiston)

Toshkent animatsion forumi ikkita yoʻnalishni oʻz ichiga oladi: “Made in Uzbekistan. Tomorrow” deb nomlangan bolalar dasturi va Markaziy Osiyoliklarning HomeSweetHome dasturi. Forumda bolalar va kattalar uchun turli janrlarda yaratilgan qisqa metrajli multfilmlar namoyish etiladi.

Shuningdek, “Oʻzbekmultfilm” kinostudiyasida 60-70 yillarda ishlab chiqarilgan retro multfilmlar ham namoyish etiladi. Shu vaqtga qadar ularning koʻplari yoʻqolgan deb hisoblangan. Oʻzbekiston Kinematografiya agentligi xorijiy arxivlardan ularning nusxalarini topib, qayta tiklagan va raqamlashtirishga erishgan.

“Sichqonlar malikasi” multfilmidan kadrlar. Qayta tiklashdan oldin (chapda) va keyin (oʻngda)

Toshkent animatsiya forumi doirasida teatr va animatsiya tanqidchisi, “Katta multfilmlar festivali” (Rossiya) xalqaro animatsiya festivali direktori Dina Goder tomonidan multfilmlarning oʻziga xos xususiyatlari mavzusida maʼruzalar tinglanadi. Animatsion filmlar Alisher Navoiy nomidagi kino saroyining kichik zalida namoyish etiladi.

Shokir Xoliqovning “Qiz va bulut” multfilmidan kadr (Oʻzbekiston)

Xabar qilinishicha, barcha tadbirlarga kirish bepul, lekin tiaf.uz sayti orqali oldindan roʻyxatdan oʻtish kerak boʻladi.

Toshkent animatsion forumining dasturi

18-aprel

10:00-13:00 Forumning ochilishi. Ochiq havoda konsert dasturi va taqdimot

15:00-16:00 Matbuot anjumani

19-aprel

15:30-17:00 Education dasturi. Wild Kids(Isroil) animatsion studiyasining taqdimoti

17:30-19:00 Made in Uzbekistan. Yesterday dasturi. “Oʻzbekmultfilm” kinostudiyasida ishlab chiqarilgan sovet multfilmlarining retrospektivasi.

19:30-20:45 – 18 yoshdan kattalar uchun Linoleum festivalining eng yaxshi animatsion filmlari namoyishi.

20-aprel

15:00-16:15 Made in Uzbekistan. Yesterday dasturi. “Oʻzbekmultfilm” kinostudiyasi tomonidan ishlab chiqarilgan sovet multfilmlari retrospektivining davomi.

16:30−18:00 Dina Goderning (Rossiya) “Bolalar uchun boʻlmagan multfilmlar” maʼruzasi.

18:15-19:45 Made in Uzbekistan. Tomorrow dasturi.

20:15-21:30 HomeSweetHome dasturi

21-aprel

14:30-15:45 Neighbors (“Qoʻshnilar”) dasturi. (Ozarbayjon)

16:00-17:30 Dina Goderning “Haqiqat haqida multfilmlar” maʼruzasi

18:00-19:15 Shortest dasturi.

19:45−21:30 “Animadok” dasturi

22-aprel

16:00–17:30 Dina Goderning “Hayratlanarli animatsiya” maʼruzasi

17:00–18:00 Davra suhbati

18:15 Seminar ishlari koʻrgazmasining ochilishi.

19:00-20:00 World Panorama dasturi. (Gruziya)

20:00−20:30 Forumning yopilishi

Shokir Xoliqovning “Qiz va bulut” multfilmidan kadr (Oʻzbekiston)