Butun umrini milliy musiqa sanʼati rivojiga va yoshlarga ilm oʻrgatishga baxshida qilgan ustoz sanʼatkor Otaxon Matyoqubov qutlugʻ 90 yoshini oʻzbek sanʼati dargʻalari, shogirdlari, talabalar va yaqinlari qurshovida qarshiladi. Bu haqida Madaniyat vaziri Ozodbek Nazarbekov xabar berdi.

Yunus Rajabiy nomidagi Oʻzbek milliy musiqa sanʼati instituti katta zalida tantanali ravishda nishonlangan tadbirda ijro etilgan doston, terma va mumtoz navolarning eng sara namunalari barchaga ajib taassurot hadya etdi.

“Aytish joizki, Otaxon Matyoqubovdek ustoz sanʼatkor bilan yonma-yon turib ishlash barobarida ulardan sanʼatning bizga notanish baʼzi yoʻllaridan yurish hadisini olayotganimiz ham baxt ham imkoniyatdir”, deyiladi xabarda.