“Ipak yoʻli” turizm va madaniy meros xalqaro universitetida joriy yilning 7-aprel kunidan boshlab har oyning birinchi chorshanbasi “Milliy liboslar kuni” deb eʼlon qilindi. Talabalar va universitet xodimlari ushbu kunda OTMga oʻzlari uchun qulay boʻlgan milliy liboslarda keladi.

Mazkur oʻziga xos xayrli anʼana milliy liboslarni targʻib qilish, zamonaviy kiyinishda oʻzbekona sharm-hayo meʼyorlariga amal qilish, urf-odat va qadriyatlarimizga xos boʻlmagan kiyinish uslublariga taqlidning oldini olish, yoshlarda milliy kiyinish madaniyatini shakllantirish maqsadida tashkil etilgan.

Universitetning barcha professor-oʻqituvchilari va xodimalari belgilangan kun davomida oliygoh hududida milliy liboslarda yuradi.