Direktorlarni sertifikatsiyalash majburiy etib belgilanmagan. Bu haqida AOKAda oʻtkazilgan matbuot anjumanida Xalq taʼlimi vazirining birinchi oʻrinbosari Usmon Sharifxodjayev maʼlum qildi.

Matbuot anjumanida jurnalist tomonidan vazir oʻrinbosariga “Prezident raisligida oʻtkazilgan yigʻilishda maktab direktorlarini sertifikatlash tizimi joriy etilishi vazifa etib belgilandi. Bu jarayon qanday amalga oshiriladi?” deya savol berilgan.

“Direktorlarni sertifikatsiyalash bu oddiy imtihon jarayoni emas, bunda kurs tashkillashtirilib oʻqitiladi yoki oʻzi mustaqil tayyorlanadi. Bunda tayinlanadigan direktorning tashkiliy masalalari, moliyaviy va AKT savodxonligi bilish darajasi baholanadi. Sertifikatsiya orqali shaxsning direktor boʻlishi emas, rahbarlikka loyiqligi belgilanadi. Barcha direktorlarni sertifikatsiyalash hali majburiy tartibda belgilanmagan”, dedi Usmon Sharifxodjayev