Kamal Tarixov Qoraqalpogʻiston sudi raisi lavozimiga saylandi. Bu haqda Joʻqorgʻi Kenges matbuot xizmati maʼlum qildi.

Unga koʻra, Qoraqalpogʻiston Respublikasi Joʻqorgʻi Kengesining navbatdagi yigʻilishida Qoraqalpogʻiston sudining raisini saylash masalasi koʻrib chiqilgan.

Sudyalar oliy kengashining Oʻzbekiston Prezidenti bilan kelishilgan xulosasi asosida Joʻqorgʻi Kenges raisining taklifiga binoan deputatlar Qoraqalpogʻiston Respublikasi sudi raisi lavozimiga Kamal Tarixov nomzodini maʼqullangan.

“Yakunda uni mazkur lavozimga tayinlash va amaldagi sud raisi Gulnara Bazarbayevani vazifasidan ozod etish toʻgʻrisida qaror qabul qilindi”, deyiladi xabarda.

Kamal Tarixov bunga qadar Qoraqalpogʻiston sudi raisining fuqarolik ishlari boʻyicha oʻrinbosari lavozimida faoliyat koʻrsatgan.