Respublika Gidrometeorologiya markazi 8-11-aprel kunlari respublika boʻyicha baʼzi joylarda shamol kuchayishi, ayrim joylarda chang-toʻzonlar kuzatilishi mumkinligi haqida xabar berdi.

Xususan, 8-aprelda Qoraqalpogʻiston Respublikasi va respublikaning choʻl hududlarida shamol tezligi 17-22 m/s gacha kuchayadi, baʼzi joylarda 23-25 m/s gacha kuchayishi mumkin.

9-aprelda Qoraqalpogʻiston Respublikasi, Xorazm, Jizzax viloyatlarida shamol tezligi va respublikaning choʻl hududlarida shamol tezligi 17-22 m/s gacha kuchayadi.

10-aprelda Xorazm, Buxoro, Navoiy viloyatlarida shamol tezligi 17-22 m/s gacha kuchayadi.

11-aprelda respublika boʻyicha baʼzi joylarda shamol tezligi 17-22 m/s gacha kuchayadi, Buxoro, Navoiy, Jizzax, Surxondaryo viloyatlarida 25-28 m/s gacha kuchayishi mumkin.