O‘zbekiston Respublikasi Tashqi ishlar vazirligida “O‘zbekiston Respublikasi Prezidenti saylovini xorijiy ommaviy axborot vositalarida yoritilishi” mavzusida davra suhbati bo‘lib o‘tdi.

Tadbirda Tashqi ishlar vazirligi va Markaziy saylov komissiyasi rahbariyati va mas’ul xodimlari, O‘zbekiston Respublikasi Tashqi ishlar vazirligida doimiy akkreditasiyadan o‘tgan xorijiy jurnalistlar ishtirok etdi.

Tadbirni Tashqi ishlar vaziri maslahatchisi, O‘zbekiston Respublikasi Tashqi ishlar vazirligi matbuot kotibi Yusup Qobuljonov kirish so‘zi ochar ekan, O‘zbekiston muhim siyosiy voqea – 2021 yil 24 oktyabr kuni bo‘lib o‘tadigan Prezident saylovi arafasida turganini qayd etdi.

Shu munosabat bilan O‘zbekiston Respublikasi Markaziy saylov komissiyasi Tashqi ishlar vazirligining tavsiyasi asosida 50 ga yaqin xorijiy OAV vakillarini akkreditasiyadan o‘tkazdi.

Davra suhbati doirasida xorijiy jurnalistlarga akkreditasiya kartalarini topshirish marosimi bo‘lib o‘tdi.