Moliya vazirligi axborot xizmati xabar berishicha, “Ochiq byudjet” axborot portalida “Mening yoʻlim” loyihasi ishga tushirilgan.

Bu tizim «Tashabbusli byudjet» jarayonlaridan farqli bir yilda bir marotaba oʻtkaziladi.

Axborot portaliga ichki yoʻllarning joylashgan manzili (geopozitsiyasi), toʻliq nomlari, uzunligi, holati (asfaltlangan, taʼmirtalab) va boshqa maʼlumotlari toʻliq kiritiladi hamda fuqarolar ichki yoʻllar reyestridan geomaʼlumotlar asosida tegishli ichki yoʻlni tanlash orqali oʻz takliflarini qoldirish imkoniyatiga ega boʻladi.

Tuman (shahar) byudjeti parametrlarida hududiy ichki yoʻllarni taʼmirlash uchun ajratilgan mablagʻlarning kamida 50 foizi “Ochiq byudjet” axborot portali orqali jamoatchilik fikri asosida aniqlangan ichki yoʻllarni taʼmirlash uchun yoʻnaltiriladi.