Davlat xavfsizlik xizmati Toshkent shahri Yunusobod tumanida narkolaboratoriya tashkil qilganlar ikki erkakni ushladi.

Qayd etilishicha, tumanda marixuanna hamda mefedron sintetik moddasi tayyorlovchi narkolaboratoriya faoliyati aniqlangan. Laboratoriyani 1991 va 1993-yillarda tugʻilgan ikki erkak tashkil qilgan.

Aniqlanishicha, ular narkotik moddalarni Telegramʻdagi maxsus guruhda sotish bilan shugʻullangan. Hozirda mazkur holat yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari olib borilmoqda.