Ramazon oyi munosabati bilan Oʻzbekiston musulmonlari idorasi Fatvo markazidagi Call-markaz 24 soatli rejimga oʻtkazildi. Bu haqida diniy idora matbuot xizmati xabar berdi.

Maʼlum qilinishicha, Musulmonlar idorasi Fatvo markazi tashabbusi bilan Ramazon oyida moʻmin-musulmonlarning telefon orqali yoʻllangan roʻza tutish bilan bogʻliq barcha sharʼiy masalalarga ulamolarning tunu kun javob berish tizimi joriy etilgan.

Moʻmin-musulmonlar 2-apreldan 2-mayga qadar haftada yetti kun, 24 soat davomida oʻzlarining roʻza tutish bilan bogʻliq sharʼiy savollariga javob olishlari mumkin boʻladi (ibodat vaqtlaridan tashqari).

Buning uchun 24 soat davomida quyidagi telefon raqamiga qoʻngʻiroq qilish tavsiya etiladi: 78-150-33-44.