Davlatimiz rahbari raisligida yigʻilish davom etmoqda. Unda valyuta bozorini barqarorlashtirish borasida koʻrilayotgan choralar qayd etildi.

Xususan, valyuta bozori va ayirboshlash kursi barqarorlashdi, birjada rubl va yuan boʻyicha savdolar boshlandi.

“Bu borada xalqimizda ortiqcha xavotir yoki bezovtalik boʻlmasligi kerak. Valyuta bozorida keskin tebranishlarning oldini olish uchun zaxiralarimiz yetarli”, - dedi Prezident.

Yigʻilishda Markaziy bankka puxta oʻylangan, ogʻir va vazmin valyuta va monetar siyosatni olib borishni davom ettirish topshirildi.

Shuningdek, Markaziy bankning viloyatlardagi rahbarlari tadbirkorlar bilan har kuni uchrashib, ularga valyuta bozoridagi vaziyatni, eksport-import hisob-kitoblarini amalga oshirish va yangi kredit mexanizmlarini tushuntirib boradi.