Toshkent shahrining Yashnobod tumanida infokioskni oʻgʻirlagan shaxs qoʻlga olindi, deb xabar berdi poytaxt IIBB matbuot xizmati.

Maʼlum qilinishicha, 19-mart kuni soat 20:00 larda nomaʼlum shaxs UzPaynet MCHJga tegishli 22 million soʻmlik infokioskni oʻgʻirlab ketgan. Ushbu shaxs qurilmani oʻzining Nexia avtomobiliga ortib, kimsasiz joyga olib borgan. U yerda infokioskni ochib, ichidagi 3 milliondan soʻmdan ortiq mablagʻni oʻzlashtirgan.

Koʻrilgan chora-tadbirlar natijasida gumonlanuvchi shaxs – 27 yoshli A.M. qoʻlga olingan. Mazkur holat boʻyicha toʻplangan hujjatlar Yashnobod tumani IIO FMBga yuborilgan.