Uzcard kartalarini mijoz uni ochish uchun ariza topshirgan paytdan boshlab 5 daqiqada olish mumkin, deb xabar qildi kompaniya vakillari ishtirokida boʻlib oʻtgan matbuot anjumanida.

Uzcard bosh direktori oʻrinbosari Lilya Xamidullina taʼkidlashicha, shu kungacha bank mijozi kartani olish uchun ikki marta, birinchi marta ariza topshirish, ikkinchi marta (bir-ikki kun ichida) kartasini olish uchun bankka kelishi kerak edi.

Endilikda bank mijozi 5 daqiqa ichida Uzcard kartasini olishi mumkin boʻladi. Yangi kartalar NFC texnologiyasidan foydalangan holda kontaktsiz toʻlovni qoʻllab-quvvatlaydi.

 Shuningdek, Uzcard kartalarining raqamlari boshlanishidagi “8600” raqam juftligi “5614”ga almashtiriladi.