Bugun Parkent tumanidagi 29-sonli bolalar musiqa va sanʼat maktabida “Adabiyot — xalqning yuragi” mavzusida maʼnaviy-maʼrifiy tadbir boʻlib oʻtdi.

Anjumanda Respublika Maʼnaviyat va maʼrifat markazi rahbari, senator Minhojiddin Mirzo soʻzga chiqdi:

“Bu tadbir, muhtaram Prezidentimiz aytganidek, «Adabiyot – xalqning yuragi” deya bejiz nomlanmagan. Adabiyot degan tushuncha dunyoning turli mamlakatlarida turlicha jaranglaydi.  Lekin oʻzbek xalqida adabiyot deganda adab, odob, axloq, maʼnaviyat tushuniladi.

 

Tadbir mehmonlari adabiyot, maʼnaviyat, maʼrifat sizlarning faoliyatingizda yoʻlchi yulduzga aylanishi lozimligini taʼkidlashdi. Ha, yetakchi boʻlish oson emas. Yoshlarni ergashtirishingiz uchun shunga munosib boʻlishingiz kerak. Buning uchun mard va adolatli boʻlishingizni, Vatanning xizmatiga shaylikni amalda isbot qilishingiz kerak», dedi Minhojiddin Mirzo.

Tadbirda yoshlarga turli mavzulardagi badiiy kitoblar topshirildi.