Markaziy bank tomonidan joriy yilning 30-martidan boshlab “Yangi Oʻzbekiston” va “Navroʻz” mavzulariga bagʻishlangan oltindan tayyorlangan 15 va 20 gramm ogʻirlikdagi hamda kumushdan tayyorlangan 31,1 gramm ogʻirlikdagi esdalik tangalari sotuvga chiqarilmoqda.

Mazkur esdalik tangalari ularning texnik xususiyatlarini tasdiqlovchi asillik sertifikatlari bilan sotuvga chiqariladi.

Oltin va kumush esdalik tangalarini tijorat banklarining filiallarida naqd va naqd pulsiz hisob-kitoblar asosida sotib olish mumkin.

Esdalik tangalari sotuvi yoʻlga qoʻyilgan tijorat banklari filiallarida belgilangan tartibda qaytarib sotib olish amalga oshiriladi.