Ijtimoiy tarmoqlarda Qarshi davlat universiteti oʻqituvchisi talabaning yuziga musht tushirgani aks etgan video tarqaldi.  Holat yuzasidan universitet axborot xizmati izoh berdi.

Qayd etilishicha, voqea 2022-yil 14-mart kuni sodir boʻlgan. Dars jarayonida talaba S.Norboʻtayev professor N.Dilmurodovning bir necha marta ogohlantirish berishiga qaramasdan darsga eʼtiborsiz va yozmasdan oʻtirgan.

“Natijada talabaning oʻzini bunday tutishi domlani asabiylashishiga va talabani turtishiga sabab boʻlgan”, deyiladi xabarda. Ayni vaqtda holat rahbariyat tomonidan nazoratga olingan.