Toshkent hayvonot bogʻida qizini ayiqlar voleriga tashlab yuborgan ayolga qoʻzgʻatilgan jinoyat ishi unga nisbatan tibbiy yoʻsindagi majburlov choralarini qoʻllash masalasini hal etish uchun jinoyat ishlari boʻyicha Toshkent shahar sudiga yuborish haqida qaror qabul qilindi. Bu haqida Bosh prokuratura matbuot kotibi Hayot Shamsutdinov maʼlumot berdi.

Qayd etilishicha, sudga oid psixiatriya va psixologiya kompleks ekspertizalari oʻtkazilgan. Ekspertiza xulosalariga koʻra, ayol umrbod ruhiy xastalik bilan betoblanib kelgani, ruhiy holatidan kelib chiqqan holda, u tergov va sudda toʻgʻri koʻrsatmalar berish qobiliyatiga ega emasligi koʻrsatilgan.