Mirishkor tuman Yuksalish mahallasida yashovchi Hayit Bayramova 114-yildan buyon shaxsini tasdiqlovchi hujjatsiz yashab kelgan. Bu haqida Mirishkor tuman hokimligi axborot xizmati xabar berdi.

Qayd etilishicha, Hayit momoning farzandi Mirishkor tuman Adliya boʻlimiga 1908-yilda tugʻilgan onasining tugʻilganlik faktini belgilashda amaliy yordam soʻrab murojaat etgan. Adliya toʻplangan hujjatlarni FIB Kasbi tumanlararo sudiga kiritadi.

Bugun, 28-mart kuni Fuqarolik ishlari boʻyicha Kasbi tumanlararo sudi raisi Sh.Toʻxtayev raisligida Hayit Bayramova yashayotgan xonadonda sayyor sud boʻlib oʻtgan.

«Tuman Adliya boʻlimi boshligʻi Sardar Karabayev, mahalla raisi va boshqar tashkilot masʼullari ishtirok etgan sud ishida Hayit Bayramovaning tugʻilganlik fakti belgilandi. Unga tez orada fuqarolik pasporti beriladi», deyiladi xabarda.