Bishkek militsiya patrul xizmati boshqarmasi xodimlari prezident Sadir Japarovning jiyani Lazat Nurkojoyevani piyodalar yoʻlagiga mashinasini qoʻygani va yoʻl harakati qoidalarini buzgani uchun jarimaga tortdi. Bu haqida boshqarma matbuot kotibiga tayanib, “Akipress” xabar berdi.

Maʼlum qilinishicha, Lazat Nurkojoyeva Qirgʻiziston Maʼmuriy javobgarlik toʻgʻrisidagi kodeksining 188-moddasi 1-bandiga asosan, boshqarma tomonidan mashinani notoʻgʻri qoʻygani va yoʻl harakati qoidalarini buzgani uchun 1000 som (122 000 soʻm) jarimaga tortilgan.

“Shu bilan birga, haydovchi xushmuomalalik koʻrsatib, patrul xodimlariga minnatdorchilik bildirdi”, deyiladi xabarda.