Samarqand viloyatida 250 ming AQSH dollariga yer sotmoqchi boʻlgan shaxs qoʻlga olindi. Bu haqida viloyat IIB matbuot xizmati xabar berdi. Taʼkidlanishicha, tezkor tadbir DXX Samarqand viloyati boshqarmasi va viloyat IIB xodimlari hamkorligida oʻtkazilgan.

Maʼlum qilinishicha, Nurobod tumanida yashovchi MCHJ rahbari Q. Z. (1994-yilda tugʻilgan) jamiyat tasarrufidagi 10 gektar lalmi yer maydonini 250 ming dollar evaziga mahalliy fuqaroga sotishga kelishib, soʻralgan pulning 100 ming dollarini olayotgan vaqtida ushlandi.

Holat yuzasidan jinoyat ishi qoʻzgʻatilib, tergov harakatlari olib borilayotgani aytildi.