Bir necha kundan buyon Oʻzbekistonda Sogʻliqni saqlash vazirligi tashabbusi bilan “Qon topshir – hayot inʼom et!” xayriya aksiyasi oʻtkazilmoqda. Sogʻliqni saqlash vazirligi Matbuot xizmatining xabar berishicha, aksiya doirasida vazirlik va idora xodimlari, keng jamoatchilik vakillari qon topshirmoqda.

Xususan, Samarqandda viloyat hokimi Erkinjon Turdimov boshchiligida hokimlik vakillari koʻngilli sifatida qon topshirgan. Ayni vaqtda aksiya doirasida begʻaraz qon topshirish davom etmoqda.