28-mart kuni Oʻzbekistonga yana 2 108 400 doza Moderna vaksinasi keltirildi. Vaksinalarni yetkazib berish COVAX mexanizmi orqali UNICEF bilan hamkorlikda amalga oshirilgan.

Maʼlum qilinishicha, COVAX dasturi doirasida qabul qilingan dozalarning umumiy soni 19,24 millionga yetgan.

COVAX — JSST, GAVI va CEPIvaccines va UNICEFʻni birlashtirgan global tashabbus. UNICEF vaksinalarni sotib olish va yetkazib berishda yetakchi rol oʻynaydi.

COVAX mexanizmi doirasida, UNICEF 2022-yil oʻrtasiga qadar COVID-19 ga qarshi yana 24,6 million doza vaksina yetkazib berishni rejalashtirgan.