Prezidentning tegishli qaror va farmoyishlari bilan Davlat bojxona qoʻmitasi rahbariyati va bir qator hududiy bojxona boshqarmalari rahbariyatida muhim tayinlovlar amalga oshirildi. Bu haqida qoʻmita axborot xizmati xabar qildi.

Qayd etilishicha, Davlat bojxona qoʻmitasi raisining birinchi oʻrinbosari vazifasini bajaruvchisi boʻlib xizmat qilib kelayotgan Ilhom Muxtorov qoʻmita raisining birinchi oʻrinbosari etib tayinlangan.

Prezident Administratsiyasida faoliyat yuritib kelgan Otabek Ibragimov Davlat bojxona qoʻmitasi raisi oʻrinbosari etib tayinlandi.

Shuningdek, Mutalibjon Soliyev boshqa ishga oʻtgani munosabati bilan qoʻmitasi raisi oʻrinbosari lavozimidan ketdi.