Oʻzbekistonda elektromobillar ishlab chiqarishni ragʻbatlantirishga oid Prezident qarori loyihasi muhokamaga qoʻyildi.

Mazkur hujjat loyihasiga koʻra, vazirliklar, idoralar, byudjet tashkilotlari, mahalliy hokimiyat organlari hamda ustav kapitalida davlat ulushi 50 foizdan ortiq boʻlgan korxonalar xizmat avtomobillari parkining 2025-yilga qadar kamida 10 foizigacha, 2030-yilga qadar 100 foizi bosqichma-bosqich elektromobillarga almashtiriladi.

Elektromobillarni respublika hududida ishlab chiqarishni yoʻlga qoʻyish va 2030-yilga borib respublikada sotilayotgan avtotransport vositalarining kamida 15 foizini elektromobillar tashkil etishiga erishish maqsad qilingan.