“Oʻzgidromet” dam olish kunlari qanday ob-havo boʻlishini maʼlum qildi.

Qayd etilishicha, ertaga, shanba kuni Oʻzbekistonga yana nam va salqin havo kirib keladi. Respublika shimolidan tashqari barcha viloyatlarda yana bulutli va yomgʻirli ob-havo boʻlishi kutilmoqda. Fargʻona vodiysi viloyatlarida kun ikkinchi yarmida yomgʻir yogʻadi. Kunduz kuni harorat 12-15 daraja iliqqacha pasayadi.

25 va 26-martda respublikaning ayrim joylarida shamol 18-23 m/s gacha kuchayishi kutilmoqda.

Yakshanba kuni respublika hududining katta qismida yomgʻir yogʻishi toʻxtaydi, faqat kechasi va ertalab Toshkent viloyati va Fargʻona vodiysi viloyatlarida baʼzi joylarda yomgʻir yogʻadi. Havo harorati deyarli oʻzgarmaydi.

Dam olish kunlari togʻoldi va togʻli hududlarda sel kelishi, qor koʻchishi xavfi bor.