2022-yilning 27-mart kuni Toshkent shahrida “Toshkent xalqaro marafon tadbiri” oʻtkazilishi munosabati bilan, bir nechta koʻchalarda avtomobil harakati cheklanadi. Bu haqida shahar IIBB axborot xizmati xabar berdi.

Maʼlum qilinishicha, poytaxtimizning tadbir oʻtkazilishi moʻljallangan quyidagi koʻchalarida transport vositalarining harakati vaqtincha toʻxtatiladi:

Olmazor koʻchasi: Besh yogʻoch koʻchasidan I.Karimov koʻchasigacha 2022-yilning 25-mart kuni soat 16:00dan 27-mart kuni soat 18:00gacha;

2022-yilning 27-mart kuni soat 05:00dan 18:00 gacha:

I.Karimov koʻchasi: Olmazor koʻchasidan Sh.Rashidov koʻchasigacha;

Sh.Rashidov koʻchasi: I.Karimov koʻchasidan Afrosiyob koʻchasigacha;

Shahrisabz koʻchasi: A.Temur koʻchasidan Oybek koʻchasigacha;

Afrosiyob koʻchasi: Shahrisabz koʻchasidan Besh yogʻoch koʻchasigacha;

Oybek koʻchasi: Nukus koʻchasidan Shahrisabz koʻchasigacha;

Nukus koʻchasi: Istiqlol koʻchasidan Oybek koʻchasigacha;

A.Qodiriy koʻchasi: Abay koʻchasidan Istiqlol koʻchasigacha.

Toshkent shahar IIBB yuzaga kelgan noqulaylik uchun uzr soʻragan.