Birozdan soʻng Xalqaro kongress markazida Toshkent xalqaro investitsiya forumi boshlanadi. Uning yalpi sessiyasida Prezident Shavkat Mirziyoyev ishtirok etadi va nutq soʻzlaydi, deya xabar bermoqda Prezident matbuot kotibi Sherzod Asadov.

Forum doirasida davlatimiz rahbari qator ikki tomonlama uchrashuvlar oʻtkazishi rejalashtirilgan.

Shuningdek, Prezident Surxondaryo viloyati Angor tumanida quvvati 1560 megavattli yangi issiqlik elektr stansiyasi qurilishini boshlash marosimida ishtirok etadi.