Toshkent viloyatida yashovchi, 1964 va 1970-yillarda tugʻilgan ikki nafar shaxs tadbirkorlik bilan shugʻullanmoqchi boʻlgan fuqaroning ishonchiga kirib, oʻzlariga tegishli boʻlmagan 4 gektar yerni unga 800 ming AQSH dollariga sotishga kelishib, oldindan 100 ming dollar olgan vaqtlarida Davlat xavfsizlik xizmati va Iqtisodiy jinoyatlarga qarshi kurashish departamentining hududiy boshqarmalari xodimlari tomonidan ushlandi.

Gap shundaki, mazkur yer maydoni Prezident farmoniga muvofiq, 2021-yil mahalliy MCHJga investitsiya kiritish sharti asosida koʻp qavatli turar-joylar, kottejlar hamda madaniy va maishiy xizmat koʻrsatish shahobchalari qurish uchun Boʻstonliq tumani hududidan ajratib berilgan.