Saudiya Arabistoni podshohligi Aviatsiya boshqarmasi “GACA” mamlakatga keluvchi yoʻlovchilar uchun COVID-19 bilan bogʻliq baʼzi cheklovlarga oʻzgartirish kiritdi. Bu haqida Din ishlari boʻyicha qoʻmita xabar qildi.

Qayd etilishicha, endilikda koronavirus mavjud emasligi haqidagi manfiy natijaga ega boʻlgan QR-kodli PZR-test maʼlumotini Saudiya Arabistoniga kirishda taqdim etish tartibi bekor qilinadi. Umra-2022 mavsumida mamlakatga safar qilayotgan ziyoratchilar uchun safardan oldin olinadigan PZR-test maʼlumotini taqdim etish talab etilmaydi.

Umra dasturida safar qiluvchi ziyoratchilar koronavirusga qarshi quyidagi vaksinalardan biri bilan emlangan boʻlishi talab etiladi:

• Pfizer/BioNTech;
• Oxford-AstraZeneca;
• Moderna;
• Johnson & Johnson.