Toshkentdagi Xalqaro kongress markazida 8-mart – Xalqaro xotin-qizlar kuniga bagʻishlangan bayram tadbiri davom etmoqda. Unda Prezident kelgusi oʻquv yilidan boshlab xotin-qizlar uchun alohida universitet tashkil etilishini maʼlum qildi.

Taʼkidlanishicha, 2022—2026-yillarga moʻljallangan Xotin-qizlar taʼlimini qoʻllab-quvvatlash milliy dasturi doirasida Toshkentda xotin-qizlar uchun alohida universitet va joylarda uning texnikumlari tashkil etiladi.

Shuningdek, doktorantura yoʻnalishida xotin-qizlar uchun, har yili kamida 300 tadan maqsadli kvota ajratiladi.

Oila va xotin-qizlar davlat qoʻmitasi huzurida “Olima ayollar jamiyati” tuzilib, har yili 50 milliard soʻm mablagʻ ajratiladi.