“Xotin-qizlarni e’zozlash haftaligi”ni o‘tkazish bo‘yicha Farg‘ona viloyatining hududlarida keng ko‘lamli targ‘ibot bayram tadbirlari  bo‘lib o‘tmoqda.

Haftalik jarayonida Respublika Ma’naviyat va ma’rifat markazi rahbari Minhojiddin Hojimatov, Farg‘ona viloyati bo‘limi rahbari Xursanoy Islamova va  hamkor tashkilotlar bilan viloyat hududlarida yashovchi yoshi ulug‘ onaxonlar holidan xabar olinib,  bayram sovg‘alari topshirildi. 

Shuningdek, “Fayz” tantanalar majmuasida “Ayolni e’zozlash – ezgulik va adolat mezoni” shiori ostida bayram tadbiri tashkil etildi. Tantanada munis onaxonlar, xotin-qizlar, turli sohalarda samarali mehnat qilib kelayotgan ayollar, mehnat faxriylari ishtirok etdilar. Estrada xonandalari tomonidan yangragan kuy-qo‘shiqlar ishtirokchilarga ko‘tarinki kayfiyat ulashdi. Viloyat hokimligi tomonidan  qimmatbaho esdalik sovg‘alari tarqatildi.

Joylarda bayram tadbirlari davom etmoqda.