Fargʻona vodiysi viloyatlari boʻylab harakat qiluvchi Qoʻqon–Andijon–Qoʻqon shaharlararo yoʻlovchi poyezdi harakati yoʻlga qoʻyildi. 

Maʼlum boʻlishicha, elektropoyezdlar 2022-yilning 1-martidan harakatlana boshlagan.

Poyezdlar haftaning seshanba, chorshanba, payshanba, juma, shanba va yakshanba kunlari Qoʻqon–Andijon–Qoʻqon shaharlararo yoʻnalishida yoʻlovchilarga xizmat koʻrsatadi.

Tonggi 05:00 da Qoʻqondan harakatlanishni boshlagan elektropoyezdlar 16 ta stansiyada toʻxtab, Andijonga kirib boradi.

Andijondan soat 14:12 da harakatlanadigan poyezd soat 19:19 da Qoʻqon shahriga qaytib keladi.