Davlat xavfsizlik xizmatining Namangan viloyati boʻyicha boshqarmasi xodimlari tomonidan prokuratura organlari bilan hamkorlikda oʻtkazilgan tezkor tadbirda tanishlari orqali 2 gektar yerni rasmiylashtirib berish uchun 200 ming dollar soʻragan shaxs ushlandi, deb xabar berdi OʻzA.

Maʼlum qilinishicha, Namangan viloyati qurilish bosh boshqarmasining Davlatobod tuman boʻlimi mutaxassisi tadbirkorga mansabdor tanishlari orqali mazkur tuman hududidan 2 gektar yer maydoni rasmiylashtirib berish hamda u yerga koʻp qavatli uy va ishlab chiqarish obyekti qurishga ruxsat olib berish evaziga undan 200 ming dollar olgan vaqtida ushlangan.