Yurtimiz mustaqilligiga 30 yil to‘lishi munosabati bilan Kuala Lumpurdagi «Saloma Link» ko‘prigida O‘zbekiston bayrog‘i aks etdi. Bu haqda “Dunyo” AA agentligi xabar bermoqda.

Bu ajoyib tomoshani Malayziyadagi O‘zbekiston elchixonasi uyushtirmoqda. Ko‘prikning uzunligi 69 metr bo‘lib, dunyodagi eng muhim dengiz arteriyalaridan biri hisoblanadi. Kuala Lumpurda yashayotgan o‘zbekistonliklar ushbu manzarani jonli kuzatib, suratlarga tushishdi.

Vatanimiz bayrog‘i shuningdek, shahar meriyasining osmono‘par binosi, mashhur «Petronas Twin Towers» egizak minoralari joylashgan chorrahada ham tovlanadi. Elchixona kuzatuvchilarga karantin qoidalariga amal qilishlarini eslatmoqda.